ЕҚЫҰ Демократиялық институттар және адам құқығы жөніндегі бюросының директоры ұйым мен Қазақстанның демократиялық реформаларды өрістету саласындағы ықпалдастығына қанағаттанады

Семинар барысында М.Жарбосыноа сонымен бірге аясында Еуропадағы қауіпсіздік және ынтымақтастық ұйымына төрағалық жасау жөніндегі Словенияның мақсатты тобының жетекшісі, елші Борис Фрлек, Еуропадағы қауіпсіздік және ынтымақтастық ұйымының азшыл ұлт істері жөніндегі бас комиссары бюросының директоры Джон Фонбланк мырзалармен кездесті. Сұхбат барысында Қазақстанның экстремизммен күрс жөніндегі, БАҚ туралы және Үкіметтік емес ұйымдардың іс-қызметі туралы заңнамаларын жетілдіру саласындағы ынтымақтастығына қатысты өзекті мәселелер талқыланды.

Семинарда сөз сөйлеген М.Жарбосынова Қазақстан — бұрынғы Кеңестік кеңістік аясында саяси тұрақтылық пен ұлтаралық келісімді сақтап қалған, ұлтаралық саясаттың бірегей институттарын құрып, көп тілді ақпараттық орта қалыптастыра білген, қазіргі заманғы халықаралық стандарттарды ескеру негізінде көші-қон саясатын жыл өткен сайын жетілдіріп отырған санаулы мемлекеттердің бірі екенін атап өтті. Елші Қазақстандағы миграциялық құбылыстардың оң сальдоға ие болғанын, демографиялық ахуалдың жақсарып, халық саны арта түскенін айтты.
Семинар аясындағы көші-қон мәселесіне арналған сессиялар мен пікірталастарға ҚР еңбек және халықты әлеуметтік қорғау министрлігі мен ҚР адам құқықтары жөніндегі Ұлттық орталығының сарапшылары қатысып сөз сөйледі.