Еліміздің атынан бұл сынға Ардақ пен Бейбіт Назаровтар, Қазбек Әшімов, Бегнар Аманбаев, Нариман Мұсаевтар қатысқан еді. Өкінішке орай, Ардақ Назаров жеңіліс тапты. Америка Құрама Штатында өзінің екінші жекпе-жегін өткізген Ардақ жергілікті спортшы Лэнс Випфке жол берді. Төрешілер бір ауыздан америкалықтың жеңісін мойындады. Кездесу нәтижелері: 50-45, 50-45, 50-45. Керісінше, ағасының есесін Бейбіт қайтарды. Қарсыласы Хосе Сальгадоға 1-ші раундта-ақ қылғындыру әдісін қолданған Бейбіт еш қиналмастан жеңісті олжалады. Бегнар Аманбаев та қазақ елінің мерейін үстем етті. Ол қарсыласы Морис Сентерсті небәрі 2 минуттың ішінде есеңгіретіп тастады.
Осы уақытқа дейін 12 кездесу өткізіп, ешкімге жеңілмей келген Қазбек Әшімов 3 раундқа созылған теке-тіресте Кейси Джонсоннан ауыр соққы алып, кездесуді жалғастыра алмады. Ал Нариман Мұсаев болса, Брэндон Хемплеманға ұпай санымен ұтылды. Есеп: 29-28, 28-29, 29-28.
