Күні кеше Ерке Есмахан тыңдарманына сахналық көйлегін тарту еткен болатын. Әнші енді өзінің жар атанып, тағы да перзент сүйгісі келетінін айтады. Мұнымен қатар, жуырда “әйел бақыты” атты жаңа ән ұсынбақ.
“Қыз мұраты кету деген еді ғой қазақ атам. Осы мұратқа жеткен қыз баласы еріне асыл жар, сәбиіне ана атанады. Қазір кей қыздың өмірлік ұстанымы өзгеше: мансап, ақша, саяxат, білім қуу. Бәрібір, әйел бақыты ол – перзент сүю. Мұны кез келген әйел баласы өмірдің белгілі кезеңіне жеткенде түсінеді. Бірі ерте, бірі кеш. Айтпағым осыны ерте түсініп, жар болуға, содан кейін ана атануға талпынса екен”, – деп іскер бойжеткендерді бір сынап алды.
Ары қарай “Мен де жар атану, тағы да сәби сүю деген арманымды “аялап” жүрмін. Жаратқан бұйырған күні ол арманымның алдамағанына көз жеткізетініме сенемін! Әр қыз баласына шынайы әйел бақытын тілеймін”, – деп тыңдармандарына жуырда жаңа ән ұсынатынын айтты.