Кеше Ерлан Біләлдің өнерін тамашалауға 2 көрермен Атырау және Семей қалаларына арнайы ұшып келген, деп хабарлайды Today.kz. Бұл туралы театрдың баспасөз қызметі Instagram-дағы ресми парақшасында жазды.
"Абай – алматылық көрермен үшін ғана емес, Алты Алаш үшін абыз-пайғамбарлыққа жеткен алтын қазық рухы. Ерлан Біләлдің өнеріне бас иіп келген көрерменнен, біз, соған лайын бағаны көрдік. Бұл – ұлт руханиятының мәртебесі, актердің бақыты", – деп жазды театрдың баспасөз қызметі.
Естеріңізге сала кетейік, кеше Ерлан Біләл сот ісінен кейін алғаш театр сахнасына шықты. Мұхтар Әуезов атындағы Қазақ мемлекеттік академиялық драма театр ұжымы кеше КСРО Халық әртісі, Мемлекеттік сыйлықтың иегері Қалыбек Қуанышбаевтың туғанына 125 жыл толуына орай арнайы шара өткізіп, көрермен назарына "Абай" спектаклін ұсынды.
