ЕурАзЭҚ-қа мүше-елдердің үкімет басшылары Дүниежүзілік сауда ұйымына мүшелікке өтуге байланысты ортақ ұстанымдарын анықтады

Қазақстан үкімет бсшысының хабарлауынша, отырыс барысында «Дүниежүзілік сауда ұйымына мүшелікке өтуге байланысты әр елдер ұстанымын өзара келісу және үйлестіруге» бағытталған құжаттарға қол қойылды. Бұл мәселе бойынша «біз өзара түсіністікке келдік», деді үкімет басшысы. Оның айтуынша, Ресей Федерациясының ұстанымы негіз етіп алынды.

«Дүниежүзілік сауда ұйымына мүшелікке өту — әрбір мемлекет талпынатын бағыт-бағдар. Ал біз өзара біртұтас экономикалық кеңістік құру иделогиясына бағынуға уағдаласқандықтан, бұл процесс өзара ортақ ұстанымға сай жүзеге асырылуы тиіс деп санаймыз»,- деді ол.
ҚР үкімет басшысының айтуынша, бүгінгі отырыс барысында ЕурАзЭҚ-қа мүше-елдердің жұмыс топтары ай сайын «іс-әрекеттерін өзара үйлестіріп, Дүниежүзілік сауда ұйымына бір уақытта мүшелікке өту үшін бірлескен шаралар жоспарымен бөлісіп, өз жоспарларын келісіп отыруға тиіс».