Еуразия Ұлттық университеті мен Сеул университеті өзара ынтымақтастық туралы келісімге қол қойды

Л.Гумилев атындағы Еуразия Ұлттық университетінің ректоры Сәрсенғали Әбдіманапов пен Сеул университетінің президенті Ли Сан-Бен Оңтүстік Корея астанасында екі жоғары оқу орны арасындағы академиялық алмасулар мен өзара ынтымақтастық туралы келісімге қол қойды. Бұл туралы KZ-today тілшісіне ҚР СІМ-нің баспасөз қызметінен хабарлады.

Қол қойылған құжат екі университетке оқытушы — профессорлар құрамы мен студенттер алмасуға мүмкіндік береді, делінген хабарламада. Осыған сәйкес Сеул университетінде қазақ тілі кафедрасын, ал Еуразия Ұлттық университетінде корей тілі кафедрасын ашу межеленген. Екі жоғары оқу орны бірлесе зерттеулер жүргізу, ғылыми және білім беру бағытындағы жобаларды жүзеге асыруға мүмкіндік алады.

Астана мен Сеул — бауырлас қалалар.