Испания құрамасы биылғы Еуропа чемпионатын Чехияның командасымен бастады. Чехтар басында бірден шабуылды үдетіп, испандардың қақпа тұсынан бір-ақ шықты. Бірақ әрекеттері сәтсіз болды. Нағыз қауіпті сәт чехтардың қақпасының алдында болды. Испан Альваро Мората допты оңтайлы бағыттай алды. Алайда қақпашы оны жібермеді. Чехтарға осындай қауіп бірнеше рет төнгенімен, бірінші таймда есеп ашылмады. Десе де, 87-ші минутта испандар ақыры гол соқты. Оның авторы – Жерар Пике. Ойын осы есеппен тәмам болды.
Испания – Чехия – 1:0
Испания құрамы: де Хеа, Хуанфран, С. Рамос, Пике, Альба, Бускетс, Иньеста, Фабрегас, Д. Сильва, Нолито, Мората
Чехия құрамы: Чех, Кадержабек, Сивок, Губник, Лимберски, Плашил, Дарида, Гебре Селасси, Росицки, Крейчи, Нецид
Ирландия мен Швеция арасындағы матчтың да бірінші таймында есеп ашылған жоқ. Тек екінші таймның басында, яғни 48-ші минутта Ирландия ойыншысы Уэсли Хулахан қарсыластарының қақпасына гол салды. Бірақ 71-ші минутта есеп теңесті. Қызық болғанда, бұл жолы швед Златан Ибрагимовичтің сол қапталдан бағыттаған добын ирландық Киран Кларк өз қақпасына баспен соқты. Ойын осылай тең аяқталды.
Ирландия – Швеция – 1:1
Ирландия құрамы: Рэндолф, Хулахан (Кин, 78), Брэйди, Уолтерс (Макклин, 63), Хендрик, Лонг, Маккарти (Макгиди, 85), Уилан, О'Ши, Кларк, Коулман
Швеция құрамы : Исакссон, Лустиг (Йоханссон, 45), Гранквист, М. Ольссон, Нильссон-Линделоф, Форсберг, Чельстрем, Берг (Гвидетти, 59), Ларссон, Левицки (Экдаль, 86), Ибрагимович
Бельгия мен Италия арасындағы ойында ә дегеннен-ақ допты бельгиялықтар иеленіп алды. Қарсыластарының қақпасына қарай біраз шабуыл да жасады. Алайда Италия құрамасының мықты қорғанысын бұзып-жарып өту өте қиын еді. Сөйтіп, италиялықтар есеп ашты. Алғашқы голды Эмануэле Джаккерини 32-ші минутта соқты. Ал қосымша берілген соңғы уақыттарда, яғни 92-ші минутта Бельгия құрамасының қақпасына екінші доп кірді. Оның авторы Грациано Пелле. Ал бельгиялықтар бірде-бір гол соға алмай кетті.
Бельгия – Италия – 0:2
Бельгия құрамы: Куртуа, Симан, Алдервейрелд, Вермален, Вертонген, Витсель, Найнгголан, Феллайни, Де Брёйне, Азар, Лукаку
Италия құрамы: Буффон, Барцальи, Бонуччи, Кьеллини, Кандрева, Пароло, Де Росси, Джаккерини, Дармиан, Эдер, Пелле
Бүгінгі ойындар:
14 маусым, сейсенбі
21:50. «Қазақстан». Австрия — Венгрия
00:50. «Қазақстан». Португалия — Исландия
