Аса тартысты өткен бұл ойында шымкенттіктер өз елінің 22 дүркін чемпионы атанған тронхеймдіктермен 2:2 есебімен тең түсті. Онда Алмат Бекбаев қорғаған «Ордабасы» қақпасының кілтін 33-минутта алан иелері бірінші боп ашып, Боржек Дочкал өз командасын алға шығарған еді. Бұл ойыншы 45-минутта пенальтиден есепті одан ары ұлғайтты.
Кездесудің екінші жартысында шымкенттіктер есепті теңестірді. Алдымен 75-минутта Роман Пахолюк, ал 90 минутта Гуэй Мансур көзге түсіп, таблодағы көрсеткішті өзгертті. Енді бұл раундтың жеңімпазы 26 шілде күні Алматының Орталық стадионында өтетін қарымта ойында белгілі болады.