Еуропадағы қауіпсіздік және ынтымақтастық жөніндегі ұйымының Қазақстандағы сайлауға бақылау жасау жөніндегі қысқа мерзімді миссиясының арнаулы үйлестірушісі тағайындалды

Еуропадағы қауіпсіздік және ынтымақтастық жөніндегі ұйымының Қазақстан парламентінің төменгі палатасының сайлауына бақылау жасау жөніндегі қысқа мерзімді миссиясының арнаулы үйлестірушісі болып ұйымның Парламенттік ассамблеясының вице-президенті, Украина Верховная радасының депутаты Игорь Осташ тағайындалды. Осындай шешімді Еуропадағы қауіпсіздік және ынтымақтастық жөніндегі ұйымының қазіргі төрағасы, Болгария сыртқы істер министрі Соломон Пасси қабылдады. Бұл турпалы KZ-today тілшісіне ұйымның ресми хабарламасынан мәлім болды.

Бұдан бұрын да хабарлағынымыздай, тамыз айында Қазақстанда Еуропадағы қауіпсіздік және ынтымақтастық ұйымының Демократиялық институттар және адам құқығы жөніндегі бюросының сайлауға бақылау жасау жөніндегі миссиясы жұмыс істей бастаған. Халықаралық ұйымның бақылаушылар тобы сайлау алдындағы науқанның барысын, БАҚ-тардың сайлау қарсаңындағы іс-қызметін қадағалауы тиіс. Еуропадағы қауіпсіздік және ынтымақтастық ұйымының Демократиялық институттар және адам құқығы жөніндегі бюросының ауқымды тобы сайлау күні дауыс беру барысын бақылайды.

Қазақстан парламенті мәжілісіне депутат сайлау науқанының барысы туралы алғашқы баяндаманы ұйым 20-тамызда, сайлаудың ертеңінде жария етеді.