Еуропадан әкелінетін көкөністерге бақылау күшейтілді

«Қазақстан Республикасының бас санитарлық дәрігері республика аумағына Германия мен Испаниядан әкелінетін көкөніс өнімдеріне бақылауды күшейтіп, міндетті түрде бактереологиялық зерттеу жүргізу туралы қаулы шығарды», - делінген ДСМ-нің дүйсенбі күні таратқан ақпаратында. Сондай-ақ, Ресей Федерациясы мен Беларусь Республикиасының сәйкес қызметтерімен өзара ықпалдастық орнатылды. «Бүгінгі күні Қазақстан Республикасында импортталған және жергілікті қияр өнімдерін тұтынуға байланысты болған ішек инфекциясы оқиғалары тіркелген жоқ. Жағдайды санитарлық-эпидемиологиялық қызмет тұрақты бақылауға алып отыр», - делінген баспасөз мәлімдемесінде. ҚР ДСМ мемлекеттік санитарлық-эпидемиологиялық қадағалау комитеті «жеміс-көкөніс өнімдерін (қияр) мұқият жуылғаннан кейін, ыстық суға шайып алған со тұтынуға кеңес береді», - делінген баспасөз мәлімдемесінде. Әлемдік БАҚ-тың хабарлауынша, Германиияда Испаниядан импортталған қиярларға байланысты ішек инфекциясы жайылды. ҚР ДСМ мәліметтеріне сәйкес, 1,2 мың адам ауырып, оның 10-ы қаза болған.