2017 жылы EXPO Халықаралық мамандандырылған көрмесін өткізуге үміткер қалалар — Астана және Льеж өкілдерінің Парижде өткен баспасөз мәслихатында ҚР Премьер-Министрінің орынбасары Қайрат Келімбетов осындай мәліметтерді келтірді.
«Бұл санды Льежде және Астанада сараптамалық бағалау өткізген арнайы халықаралық комиссия анықтады. Олардың пікірінше, Льежге шамамен алты миллион адам, Астанаға — бес миллион адам келуі тиіс. Бұл — шамалас сандар», — деді Қ.Келімбетов.
Бұл ретте, оның айтуынша, Льеж немесе Астанаға келетін адамдардың саны емес, көрме аясында өткізілуі жоспарланып отырған шаралардың әлемдік үдерістер барысына қалай әсер ететіні маңызды. «Біздің алға қойған мақсаттар — мыңжылдықты дамыту, орнықты әлемдік даму мақсаттары, «жасыл экономика» мен «жасыл энергетиканы» дамыту мақсаттары», — деп атап өтті ҚР Премьер-Министрінің орынбасары.
Оның айтуынша, бұл мақсаттарға Қазақстан Үкіметі 62 миллион еуро бөледі. «Яғни біздің көрменің болуы мүмкін қатысушысы болатын 70 дамушы елдің әрқайсысына 1 млн. еуродай тиеді», — деп түсіндірді Қ.Келімбетов.
Естеріңізге сала кетейік, Қазақстан жеңіске жетсе, Астанадағы көрмеге 100-ден астам қатысушы мемлекеттер жиналады, соның ішінде 10-ға жуық әлемнің жетекші ұйымдары болады. Үш айдың ішінде павильондарда 5 миллионға жуық адам болып қайтады. Бұл үлкен міндеттер, жұмыстар атқаруды талап етеді, содан кейін үлкен кірістер болмақ.
Естеріңізге сала кетейік, ЕХРО-2017 көрмесінің Астанада өткізілуі Орталық-Азия және ТМД аймағының елдерінде өтетін бірінші халықаралық көрмелер бола алады. Халықаралық көрме бюросының EXPO-2017 көрмесін өткізетін ел туралы шешімі 2012 жылдың 22 қарашасында Халықаралық көрмелер бюросы Бас ассамблеясының 152-ші сессиясында шығарылады, мұнда 161 мемлекет құпия дауыс беру жолымен EXPO-2017 көрмесі өткізілетін қаланы анықтайды.
