ФИФА жемқорлыққа қарсы күрес бағдарламасын іске қосады

ФИФА жемқорлыққа қарсы күрес бағдарламасына 20 млн еуро жұмсамақ. Интерполмен бірге жүргізілетін бағдарлама футболдағы алаяқтықты жоюға бағытталады, деп жазады «Спорт-Экспресс» басылымы.

Халықаралық футбол федерациясы басшысы Зеппа Блаттердің айтуынша, бағдарлама 10 жылға есептелген.

Интерполдың Сингапурдегі бөлімшесі қазір жоба бойынша жұмысқа кірісті.
ФИФА ұйымының мәліметтеріне қарағанда, дәл осы елдің астыртын букмекерлік компаниялары футбол матчтарының нәтижесін қолдан жасауды дәстүрге айналдырған көрінеді.