Франция Қырғызстандағы ахуалға алаңдаушылық білдіреді

"Франция бұрын-соңды өзге мемлекеттердің ішкі ісіне араласып көрген емес, дейтұрғанмен, Қырғызстандағы ахуал біздің алаңдаушылығымызды туғызып отыр". Бүгін, 6-сәуірде "Франция-Қазақстан" достық тобының төрағасы, Франция парламенті сенатының депутаты Эмери Де Монтескью ҚР парламенті сенатының төрағасы Нұртай Әбіқаевпен кездесу барысында осындай пікір білдірді,- деп хабарлайды KZ-today тілшісі.

«Франция Қырғызстанда тұрақтылықтың сақталуын қалайды»,- деді Эмери Де Монтескью.

Өз кезегінде Н.Әбіқаев «Қырғызстан халқы мен бұл елде билікке келген тұлғалар дағдарыстан шығу үшін Конституция шеңберінде барлық шараларды қолданады» дегенге сенім білдірді.