Футбол: 16-шы турдан кейін «Ақтөбе» 3-ші орынға көтерілді

Бұл турда осы маусымдағы бас жүлдеден үміткер командалар Қарағандының «Шахтері» және Павлодардың «Ертісі» сүреңсіз ойнады. Астананың «Локомотиві» «Шахтерді» 4:0 есебімен тас-талқан етіп ұтты. Ал, «Ертіс» болса Талдықорғанда жергілікті «Жетісумен» ұпай бөлісті, есеп 0:0. 16-шы турдан кейін «Ақтөбе» «Шахтерді» артқа тастап турнир кестесінің 3-ші сатысына көтерілді. Былтырғы маусымдағы ел чемпионы бұл жолы Шымкентте «Ордабасы» клубынан 2:0 есебімен басым түсті. Қазір 2-ші орындағы «Ертісте» 30 ұпай, ал «Ақтөбеде» 28 ұпай бар. 16-шы турдағы қалған матчтардың нәтижелері мынадай: «Оқжетпес»-«Тараз» 2:2, «Қайрат»- «Атырау» 1:0.