Бұл топтың үздігі және әлем чемпионатының бас жүлдесінен үміткер Германия құрамасы Австралияны 4:0 есебімен ұтты. Бұл осы чемпионатта тіркелген әзірге ең ірі есеп. Ал, Гана құрамасы болса 1:0 есебімен Сербиядан басым түсті. Осылайша алғашқы турдан кейін «D» тобында Германия мен Гана көш бастады. Маусымның 18-і күні Германия Сербиямен, ал 19-ы күні Гана Австралиямен кездеседі.
Бүгін, маусымның 14-і күні «Е» тобының командалары Голландия-Дания және Камерун-Жапония өзара шеберлік байқасады. Сондай-ақ, бүгін «F» тобындағы Италия мен Парагвай командалары жасыл алаңға шығады.
Бұған дейін болған ойындардың нәтижелері мынадай: «А» тобында: Оңтүстік Африка Республикасы-Мексика 1:1, Франция-Уругвай 0:0; «В» тобында: Корея-Грекия 2:0, Аргентина-Нигерия 1:0; «С» тобында: Англия-АҚШ 1:1, Словения-Алжир 1:0.