Кеше «Астана Арена» стадионында өткен финалдық матчта «Локомотив» Қарағандының «Шахтер» командасын 1:0 есебімен ұтты. Елордалықтарға жеңіс сыйлаған, матчтың 35-минутында соғылған голдың авторы — Михаил Рожков. Осылайша «Локомотив» бұған дейін елорданың намысын қорғаған ізашарлары — «Жеңіс» және «Астана» клубтарының чемпиондық атақтарын және жеңіп алған кубоктарын есепке алмағанда, өзінің бірінші Кубогын жеңіп алды. Ал «Шахтер» болса қатарынан екінші жыл финалда ұтылып қалды.
Айта кетейік, жартылай финалда «Локомотив» қос кездесудің нәтижесі бойынша Талдықорғанның «Жетісу» командасын, ал «Шахтер» Шымкенттің «Ордабасы» клубын жеңген болатын.
