9 маусым күні Нью-Йоркте өткен жекпе-жектен кейін қазақстандық боксшы Геннадий Головкин тынығып, қалпына келуге мұрсат алды, деп хабарлайды Prosports.kz.
Нью-Йорктегі Атлетикалық Комиссиясының шешімі бойынша, қазақстандық үш боксшы Геннадий Головкин (39-1-1, 35 КО), Әли Ахмедов (15-0, 11 КО) және Бахтияр Эюбовты (14-1-1, 12 КО) жекпе-жекке шығудан уақытша шеттетті.
Оның себебі – спортшылар осы демалыста жекпе-жек өткізген соң, қайтадан қалыптарына келулері керек. GGG мен Ахмедов енді ағымдағы жылдың 15 маусымына дейін шаршы алаңға шыға алмайды. Ал Эюбов 22 маусымға дейін демалады.
Головкиін 9 маусым Нью-Йорктегі Madison Square Garden аренасында канадалық боксшы Стив Роллсті төртінші раундта нокатуқа түсіріп, мансабындағы 39-шы жеңісініне қол жеткізген болатын.
Ал Головкин — Роллс жекпе-жегінің андеркартында өнер көрсеткен Әли Ахмедов америкалық Маркус Макдэниэлді үшінші раундта жеңіп, екінші орта салмақтағы WBC International белбеуін жеңіп алған еді.
