18 наурызда Нью-Йорктегі Madisson Square Garden аренасында өтетін бокс кешінің андеркардында тағы бір жекпе-жек қосылды, — деп хабарлайды Vesti.kz.
Бокс кешінің аясында WBC тұжырымы бойынша жеңіл салмақта жұдырықтасатын мексикалық Карлос Куадрас (35-1-1, 27 КО) отандасы Давид Кармонмен (20-3-5, 8 КО) кездеседі. Мексикалық қос боксшы екінші жеңіл салмақта жұдырықтасады.
Айта кетейік, осыған дейін 18 наурызда өтетін бокс кешінде 29 жастағы никарагуалық Роман Гонсалес (46-0, 38 КО) пен украиналық Александр Усиктің (11-0, 10 КО) және Олимпиада чемпионы, ирландиялық 30 жастағы Кэти Тэйлордың (2-0, 1 КО) кездесу өткізетіні айтылған болатын.
Еске салайық, Головкин мен Джейкобс арасындағы жекпе-жек 18 наурызда Нью-Йорктегі Madison Square Garden аренасында өтеді. Қазақстанда жекпе-жек "Қазақстан" және KazSport арналарынан көрсетіледі.
