ҚР Күрес федерациясының баспасөз қызметі таратқан хабарламаға қарағанда, онда Нұрмахан Тінәлиев 120 келі салмақта чемпион атанды. Ал 84 келіде Даниял Гаджиев күміс және 74 келіде Әсет Әділов қола жүлденің иесі атанды. Өзге салмақ дәрежелері бойынша ел намысын қорғаған Асхат Құдайбергенов (55 кг), Алмат Кебіспаев (60 кг), Бейбіт Нұғыманов, Эльдар Кайратов, Дархан Баяхметов (66 кг), Досжан Картиков (74 кг), Алхазур Оздиев (84 кг) пен Марғұлан Әсембеков (96 кг) жүлдегерлер қатарына ілінбеді. Онда жалпы командалық есепте 1, 2 және 3-інші орындарды Ресей, Түркия және Әзірбайжан құрамалары сәйкесінше иеленді.
