Онда ел намысын әйелдер арасында Татьяна Машкова мен Ирина Цимбалова, ерлер арасында Алексей Сидоренко мен Дмитрий Яковлев қорғауда. Оман астанасында 9 желтоқсан күні жалауын көтерген бұл байрақты бәсекеде Татьяна-Ирина жұбы алғашқы кезеңде Д тобында 2 орын алған болатын. Олар бұл сында таиландтық Тенпакси-Саннок жұбына ғана 0:2 есебімен ұтылып, қалған ойындарда жапондық Кусана- Ойаманы, шығыстимурлық Клемен-Зинханы, тайпейлік Хсиех-Лиуды 2:0 есебімен тізе бүктірді.
Бүгін олар енді лаостық Фонедану-Пани жұбымен сынға түседі. Ал алғашқы кезеңде өз тобында үздік шыққан Алексей мен Дмитрий болса жапондық Имай мен Хидаки жұбымен кездеседі. Олар алғашқы кезеңде лаостық Шитсамон-Таммасин, түрікменстандық Тимур-Арслан, йемендік Адеб-Ассарды 2:0 есебімен ұтқан еді.
