ИКҰ СІМ кеңесінің 38 сессиясына Елбасы Нұрсұлтан Назарбаев қатысады

«Ертең Астанада ИКҰ СІМ кеңесінің 38 сессиясы өз жұмысын бастайтындығы белгілі. Іс-шараға халықаралық ұйымдар мен мүше мемлекеттерден қонақ ретінде шақырылған елдерден 1000-нан аса делегат қатысады. Осы орайда елордаға келген ұйымның Бас хатшысы доктор Эхмеледдин Ихсаноғлымен жаңа ғана біз келіссөздер өткіздік», — деді ол. Мнистрдің атап өтуінше, келіссөздер барысында іс-шараға дайындық жан-жақты талқыланды.

Мәртебелі мейманның Қазақстан Үкіметінің 38 сессияға бөліп жатқан көңілі үшін ризашылығын білдіріп, дайындық шараларына өте жоғары баға бергендігін айтқан Е.Қазыханов: «Ертең кеңестің ашылу рәсіміне Елбасы Нұрсұлтан Назарбаев қатысып, делегаттар алдында сөз сөйлейді», — деді.