IPE шикізат биржасында таяудағы мұнай фьючерсінің құны 0,59 процентке қымбаттаса, NYMEX шикізат биржасында 0,16 процентке арзандады

15-қазандағы сауда-саттық қорытындысы бойынша дүниежүзілік негізгі шикізат биржаларындағы мұнай фьючерсінің құны әр бағытта өзгеріп, IPE шикізат биржасында таяудағы мұнай фьючерсінің құны 0,59 процентке қымбаттаса , NYMEX шикізат биржасында 0,16 процентке арзандады ,- делінген "Ирбис" қаржы рыноктары Агенттігінің хабарламасында.

Айталық, Лондондағы халықаралық мұнай биржасындағы (IPE) саудада Brent North Sea Crude Oil маркалы мұнайының қарашадағы фьючерсінің бағамы 0,59 процентке қымбаттап, әр барреліне 30,88 долларға жетті.

Ал Нью-Йорк тауар биржасында (NYMEX) Light Sweet Crude Oil қоспасының қарашадағы фьючерсінің құны 0,16 процентке арзандап, әрбір баррельге шаққанда 31 доллар 77 центке дейін төмендеді.