Бұдан бұрын да хабарлағанымыздай, 9-қаңтарда Ирактың Васит провинциясында тиеулі оқ-дәріні түсіру сәтінде Қазбат капитаны Қайрат Құдабаев пен Украиналық жеті сапер қаза тапқан. Сондай-ақ, төрт қазақстандық, жеті украиналық бітімгерші жараланды. Жараланған бір украиндық бітімгерші соңынан қайтыс болған.
Қаза тапқан офицердің мәйітін ҚР Қорғаныс министрі Мұхтар Алтынбаев, туыс-туғандары, достары мен қызметтестері қарсы алды. Ұшақ қонар алдында М.Алтынбаев журналистерге ҚР Қорғаныс министрлігі Қ.Құдабаевты ерлігі үшін І дәрежелі «Айбын» орденіне ұсынатынын хабарлады.
Министрдің айтуынша, ҚР зңнамасына сәйкес, қаза тапқан офицердің отбасына соңғы қызмет еткен орнындағы айлық жалақысы бойынша 60 айлық есептік көрсеткіш мөлшерінде ақшалай өтемақы беріледі. Қ.Құдабаев Ирактағы ұрыс алаңы аймағында қызмет атқарғандықтан аталмыш өтемақы көлемі 5,274 млн. теңгені құрайды.
- $ 508.3
- € 592.17
Алматы
- РУС
- ҚАЗ
2025 Жыл
9 Желтоқсан
