Иракта терактілер салдарынан отыздан аса адам қаза болды

Иракта қопарылыстар салдарынан қаза болғандардың саны 31 адамға жетті, деп хабарлады бейсенбіде жергілікті билікке сілтеме жасай отырып АФП агенттігі. Алдында 23 адам қаза болды, деп хабарланған болатын. Хилла қаласында жолдың шетіне орнатылған екі бомба жарылған еді. Қажылыққа шыққан 26 адам қаза болды, оның екеуі әйел, үшеуі бала. Бір қопарғыш зат Кербела қаласында жарылды, онда бес адам қаза болды.