Бұл туралы Астанадағы конференцияда ҚР Индустрия және жаңа технологиялар вице-министрі Альберт Рау мәлім етті.
Вице-министр атап көрсеткендей, бүгінде Қазақстандағы ірі кәсіпорындардың бір өнімге жұмсайтын энергия көлемі тым көп болып отыр. «Еуропада оған үш-төрт есе аз энергия жұмсалады. Сондықтан келесі жылы қаңтардың 1-інен бастап еліміздегі энергия үнемділігін арнайы аудиторлар тексеретін болады. Қазіргі кезде біз ондай қызметкерлердің тұтас бір «армиясын» даярлап жатырмыз», — дейді А.Рау. Министрдің сөзіне қарағанда, аудиторлар энергетикалық реестрге кіретін барлық кәсіпорындарды тексермек. Олардың қатарына 1500 тоннадан астам шартты отын көлемін тұтынатын нысандар кіреді.