Ірі мөлшерде есірткі өткізген ұлтаралық ұйымдасқан қылмыстық топ мүшелері құрықталды

Ақтөбе облысында ірі мөлшерде героин өткізгені үшін ұлтаралық қылмыстық топтың екі мүшесі мен алты жергілікті тұрғын ұсталды. Бұл туралы ҚР ІІМ баспасөз хатшысы Нұрділдә Ораз мәлімдеді. Олар сату мақсатында 748 грамм героинді алып өтпек болған, деп Н.Ораз бүгін Астанада өткен қысқаша баспасөз мәслихатында атап көрсетті. Ұсталғандардың ісі ҰҚК-нің Ақтөбе облыстық қауіпсіздік департаментіне берілді.