Ішкі істер органдары әзірлеген әкімшілік қадағалау туралы материалдардың сапасы ҚР Бас прокуратурасының көңілінен шықпай отыр

Баспасөз қызметінен хабарлағанындай, мәселенің өзектілігі артуына осындай істер бойынша біртұтас сот-прокурорлық тәжірибе қалыптастыру, сондай-ақ, әкімшілік қадағалау заңын жетілдіру талаптары түрткі болып отыр.

Ішкі істер органдары әзірлеген әкімшілік қадағалау туралы материалдардың сапасы алқа мүшелерінің сынына ұшырады. Сонымен бірге соттар тарапынан жол берілген «Түзеу мекемелерінен босатылған адамдарды әкімшілік қадағалау туралы» заңның жекелеген баптарын дұрыс қолданбау деректері атап өтілді.
Әкімшілік қадағалау талабы азаматтардың конституциялық құқығына белгілі дәрежеде шектеу қоятындықтан, бұл шектеуді бұзу салдарынан қылмыстық жауапкершілікке тартылу мүмкіндігіне байланысты алқа мәжілісі осы тұрғыдағы прокурорлық қадағалаудың осалдығын, прокуратураның осы бағыттағы құқық қорғаушылық функциясын күшейту қажеттігіне тоқталды .
Сондай-ақ, алқа мәжілісі барысында осы салада белгілі дәрежеде құқықтық қайшылықтар туындап отырғаны айтылды. Бұл өз кезегінде жоғары сот мекемесі тарапынан әкімшілік қадағалау аясына ілігетін адамдар категориясын айқындау, осы саладағы заң бұзу оқиғаларының мән-мазмұны мен сипатын нақтылау тұрғысында нормативтік түсініктеме беру қажеттігін туғызып отыр.
Алқа мәжілісінде беті ашылған заң бұзу көріністерін жоюға қатысты ҚР жоғары сот мен ҚР ішкі істер министрлігіне ұсыныс жолдау туралы шешім қабылданды.