«Repsol өздерінің қатысу жобаларының халықаралық портфелін, ал ҚМГ үдемелі индустриалды-инновациялық даму мемлекеттік бағдарламасының аясында Қазақстандағы индустриалды жобаларға қатысуды қарастыруға ұсынады»,- деді ол жұма күні үкіметте.
Сондай-ақ, ол ҚМГ мен Repsol «Адай» блогында геофизикалық зерттеулер жүргізіп жатқанын хабарлады.
«Біз оларға (Repsol-ға — ҚазТАГ) «Адай» блогын ұсындық, ол жерде зерттеу жүргізіліп жатыр, кейін перспектива болса, алдағы уақытқа келісімге қол қоямыз. Әзірге геофизикалық зерттеу туралы ғана айтылып отыр», — деді Қ. Кабылдин.
«ҚазМұнайГаз» ұлттық компаниясы» АҚ – Қазақстанның мұнай-газ саласында мемлекеттің мүдделеріне өкілеттік ететін, көмірсутекті барлау, өндіру, өңдеу және тасымалдау бойынша ұлттық оператор. «ҚМГ» АҚ акцияларының 100% «Самұрық-Қазына» ҰӘқ» АҚ-на тиесілі.
«ҚазМұнайГаз» ұлттық компаниясы» АҚ Маңғыстау және Атырау облыстарында 44 мұнай-газ кен орнына иелік етеді. Компания Қазақстан аумағындағы басты мұнай өңдеуші зауыттардың ( «Атырау МӨЗ» ЖШС; «ПетроҚазақстанОйл Продактс» ЖШС; «Павлодар МХЗ» АҚ) активтерін басқарады және Румынияда мұнай өңдеу зауыттары бар.
Repsol YPF мұнай-газ тобы 1999 жылы испаниялық Repsol мен аргентиналық YPF (концессия 20 жылға) бірігуі арқылы құрылды. Топтың қызметі Латын Америкасында кеңінен дамыған, әлемдегі ірі мұнай-газ компанияларының ондығына кіреді, 29 елде мұнай және газ өндіреді.
Күніне мұнай эквивалентінде 1,2 миллион баррель мұнай және газ өндіреді. Басты акционерлері: Sacyr Vallehermoso S.A. (20,01%), Criteria Caixa Corp. (14,29%), Petroleos Mexicanos (4,9%), Chase Nominees Ltd (9,83%), Axa S.A. (4,21%.