Іс-шара Семейде 21 қыркүйек күні өтеді. Бұл күні қазақстандық және кеңестік футбол ардагерлерінің жолдастық кездесуі болады.
Естеріңізге сала кетейік, Ф.Каннаваро 2006 жылғы әлем чемпионатындағы жеңістен басқа, 2000 жылы Италия құрамасымен Еуропа біріншілігінің «күміс» жүлдесін иеленді. Ол итальяндық «Наполи», «Парма», «Интер» және «Ювентус», сондай-ақ испаниялық «Реал» командаларының сапында өнер көрсеткен. 2006 жылы Каннаваро Әлемнің үздік ойыншысы атағымен қоса «Алтын доп» иегері атанды. 2011 жылы тізесінен жарақат алып, футболшы мансабын аяқтауға мәжбүр болды. Айта кетерлігі, Қазақстан футболының 100 жылдық мерейтойы қарсаңында, айтулы датадан бір апта бұрын Каннаваро қырыққа толады.
