Бұл туралы ИЫҰ Сыртқы істер министрлері кеңесі 38-ші сессиясының жабылу салтанатында ұйымның бас хатшысы Э. Ихсаноғлу мәлім етті.
«Осындай бірқатар өтініштер бар, олардың кейбіреулері әлі ресми өтініш ретінде қабылданбады, себебі барлығы сәйкес талаптардың қашан қабылданатындығын күтіп отыр және де Конго, Маврикия және Кения сияқты елдердің ұйымның толық құқықты мүшесі болу туралы бұрын білдірген өтініштері бар», — деп атап өтті ол.
Э. Ихсаноғлудың айтуынша, Оңтүстік Африка Республикасы, Шриланка, Филиппин, Сербия, Непал, Беларусь және Бразилия сияқты елдер бақылаушы мәртебесін алуға өтініш білдірген.
«Сыртқы істер министрлер кеңесі талаптарды бекіткендіктен, біз ол елдерге осы талаптарды жібереміз де осы талаптарды ескере отырып өтініштерін қайтадан жіберуді сұраймыз», — деді ИЫҰ Бас хатшысы.