Йеменде қауіпсіздік күштерімен болған қақтығыста 20 демонстрант қаза тапты

Дүйсенбіге қараған түні Йеменнің Таиз қаласында қауіпсіздік күштері мен демонстранттар арасында қақтығыс болып, кем дегенде 20 адам қаза тапты. Британдық Би-би-си телерадиокорпорациясының хабарлауынша, олардың бәрі де демонстранттар көрінеді. Соңғы айларда Йеменде жаппай наразылық шаралары өткізіліп келеді. Демонстранттар ел президенті Әли Абдалла Салехтен қызметтен кетуді талап етуде.