Естеріңізге сала кетсек, осыдан үш апта бұрын Камбоджадағы Ангкок-Ват ғибадатханасын тамашалауға шыққан Лариса Шамова абайсызда жеті метрлік баспалдақтан құлап кеткен. Содан басынан ауыр жарақат алған келіншек Пномпень ауруханасында 20 күннен астам уақыт ес-түссіз жатты. Дәрігерлер осы уақытқа дейін оның тек арнайы аппараттың көмегімен ғана тыныс алып келгенін айтады.
Иван Ли, №7 қалалық клиникалық ауруханасының бас дәрігері:
— Лариса Шамованың жағдайын Бангкок дәрігерлерімен хабарласып, біліп тұрғанбыз. Өте ауыл халде келді. Бас сүйегі ғана емес, жанбасы, қабырғалары бірнеше жерлерінен сыныпты. Ал миы сол елде-ақ өліп қалған. Сондықтан құтқарып қалу мүмкін болмады.