Канадалық велошабандоз жарыстың соңғы күнінде Миланда болған жекелей сында «Катюша» клубының көшбасшысы Хоаким Родригестен 31 минут озып кетіп, суперкөпкүндіктің жалпы есебінде бірінші орынға шыға алды. Родригес турнирде екінші орынды иеленді. Үшінші орынға жиырмасыншы кезеңнің жеңімпазы Vacansoleil-DCM Pro Cycling Team командасының мүшесі бельгиялық Томас де Гендт жайғасты.
Кешегі жекелей сынның жеңімпазы болып Марко Пинотти (BMC Racing Team) танылды. Герайнт Томас (Sky Procycling) пен Джесси Сёрджент (RadioShack-Nissan) тиісінше көмбеге екінші және үшінші келді.
«Астана» сапындағы үздік нәтижені 35-ші келген эстондық Танел Кангерт көрсетті. Қазақстандық Александр Дьяченко 37-орында келді.
Джироның жалпы есептегі тізімінде ең үздік нәтиже 15-ші тұрған Роман Кройцигерде. Командалық есепте «Астана» төртінші орында.
