«Қазақстан елшілігі қызметкерлерінің Исламабадқа спиртті ішімдіктердің контрабандасына қатысы жоқ. «Online» ақпарат агенттігінің Карачидегі бөлімінің спиртті ішімдіктерді заңсыз әкелу туралы мақаласында Қазақстан қате аталған», — делінген «Online Internationale News Network» АА-ның жұма күнгі ақпаратында.
Ал ҚР сыртқы істер министрлігіндегі ақпаратқа қанық дереккөздің айтуынша, шетелдік журналистер «-стан» деген қосымшасы бар елдердің атауларын жиі шатастыратын көрінеді.
«Бұл жерде адами фактордың қатысы бар екені түсінікті, жай ғана саяси сауатсыздық қана», — деп мәлім етті дереккөз жұма күні агенттікке телефон арқылы.
«Online» агенттігі жіберген қателігіне өкініп, Қазақстан елшілігінен кешірім сұрайды және бұл мақала Қазақстан мен Пәкістанның арасындағы екіжақты қарым-қатынастарға кері әсерін тигізбейді деп үміттенеді», — делінген АА-ның хабарламасында.
Ақпарат агенттігінің сайтындағы хабарламада айтылғандай, мақалада Тәжікстан аталған көрінеді, бұл елдің «елшілік қызметкерлерінің аталған фактілерге қатысты болуы мүмкін».