Каспийде қаза тапқан төрт балықшының мәйіті табылды

Каспийде, Маңғыстау облысы Түпқараған ауданында қаза тапқан төрт балықшының мәйіті табылды. Бұл туралы KZ-today тілшісіне ҚР төтенше жағдайлар жөніндегі министрлігінің баспасөз қызметінен хабарлады.

Аташ ауылының бес балықшысы 14-желтоқсанда қайық мініп балық аулауға шыққан. 18-желтоқсанда Түпқараған мүйісіне жақындап келген қайық ішінен жоғалып кеткен төрт балықшының мәйіті табылды. Тағы бір 17 жасар балықшының мәйітін судан құтқару қызметінің мамандары іздестіріп жатыр.