Жарияланды: 360

Каспийдің қазақстандық бөлігінде браконьерлік жасап жүрген Әзербайжан кемесі ұсталды

Каспийдің қазақстандық бөлігіндегі Подгорный аралының маңында шекаралық "Алматы" кемесі браконьерлік жасап жүрген "Қапас" атты Әзербайжан кемесін ұстады. Бұл туралы ҚР ҰҚК Шекара қызметінің баспасөз қызметінен таратқан хабарламада айтылған.

Кемеде Әзербайжанның 8 азаматы болған. 7-қаңтардағы тексеру қортындысы бойынша кеме Баку қаласында тіркеліпті. Кеме бортындағы тексеру нәтижесінде шекарашылар 2 тонна бекіре тұқымдас балық пен 3 кило қара уылдырық тауып алды. Сондай-ақ, табиғат қаскөйлерінің қолынан бекіре тұқымдас балықтарды аулауға арналған 2 мың метр ау мен тор тәркіленді. Қазақстанның аумақтық суларында заңсыз балық аулап жүргені үшін кеме тұтқындалып, Баутино айлағына айдалды. ҚР ҰҚК Шекара қызметінің баспасөз қызметінің ақпаратына сәйкес, 2003-жылы шекаралық теңіз дивизиясы Каспий теңізінде 12 үлкен кемені ұстады, олардың арасынан бекіре тұқымдас балықтарды заңсыз аулап жүрген Әзербайжандық 4 кеме ұсталды. Шекарашылар жалпы ұзындығы 46,4 мың метрді құрайтын 174 ау, 816 метр арнаулы балық аулау құралдары, түрлі тұқымды 15 тонна балық пен 75 кило уылдырық тәркіледі.

Пікір қалдырыңыз

Пікір қалдыру тіркелген пайдаланушылар ғана мүмкін