Бұл туралы Caravan.kz медиа порталы Sputnik.kz-ке сілтеме жасап хабарлайды.
«Еліміздің географиялық жағдайы мен континенттік тұйықталуын ескере отырып, біз Қазақстанды ЕАЭО логистикалық хабы ретінде көреміз. Ол үшін «Шығыс — Батыс», «Солтүстік – Оңтүстік» бағыттарында көлік инфрақұрылымын, сондай-ақ Транскаспий халықаралық көлік бағытын дамыту бойынша жұмыстар белсенді жүргізілуде», — деп хабарлады министрлік.
Қазақстанның серіктестермен өзара саудасы ЕАЭО құрылғаннан бері 87,1%-ке өсті (2015 жылы — $16,3 млрд, 2024 жылы — $30,5 млрд). Үшінші елдермен өсім 84,4% болды (2015 жылы – $60,2 млрд, 2024 жылы — $111 млрд).
Республиканың ЕАЭО-ға мүше мемлекеттерге экспорты 10 жылда 115,7%-ке өсті (2015 жылы — $5,1 млрд, 2024 жылы — $11 млрд).
Былтырғы жылдың қорытындысы бойынша ЕАЭО елдерінен Қазақстанға тікелей шетелдік инвестициялардың жалпы ағыны 2015 жылғы инвестициялар көлемінен алты есе асып, $4 млрд (2015 жылы — $0,6 млрд) болды. Бұл да Қазақстанның ЕАЭО-ның ортақ нарығының бір бөлігі болып табылатындығының нәтижесі, деп атап өтті министрліктегілер.
Қазақстанның жалпы ішкі өнімі оң динамика көрсетті: 2015 жылдан 2024 жылға дейін ол 56,2%-ке өсті.
Сауда министрлігі Еуразиялық экономикалық одақ өзін Еуразиядағы ең тұрақты және қарқынды дамып келе жатқан экономикалық интеграциялық бірлестіктердің бірі ретінде танытты деп қосты.
Он жыл ішінде ЕАЭО елдері сауданы дамыту, өзара іс-қимыл жасау және тауарларды, қызметтерді, капиталдар мен жұмыс күшін өткізу үшін қолайлы орта құра алды.