Бұл туралы Caravan.kz медиа порталы zakon.kz-ке сілтеме жасап хабарлайды.
Максималды бағаларды түзету 2025 жылдың 1 шілдесінен бастап жоспарлануда.
Энергетика министрлігінің түсіндіруінше, Қазақстан халқын газдандырудың жүргізіліп жатқаны, энергетикалық және өнеркәсіптік нысандардың қосылуы тауарлық газды ішкі тұтынуға деген сұранысты арттырады.
«Тауарлы газдың белгіленген шекті көтерме бағалары өзіндік құннан төмен болып қалып отыр, бұл оны ел ішінде жеткізуді тиімсіз етеді және тапшылық қаупін тудырады. Болжамдарға сәйкес, ағымдағы бағалар сақталса, 2026 жылдан кейін газ тапшылығы қаупі өте маңызды», – делінген негіздемеде.
Тауарлық газ тапшылығын болдырмау және саланың инвестициялық тартымдылығын арттыру мақсатында ішкі нарықтағы көтерме сауданың шекті бағасын қайта қарауды көздейтін нормативтік-құқықтық базаға өзгерістер енгізіліп жатқаны көрсетілген.
«Салалық сарапшылардың есептеулері бойынша, ең төменгі кірістілікке қол жеткізу үшін алдағы үш жылда көтерме бағаларды орташа есеппен 33%-ға жыл сайын түзету қажет», – деп атап өтті Энергетика министрлігі.