Бұл туралы Caravan.kz медиа порталы Sputnik.kz-ке сілтеме жасап хабарлайды.
Қазақстанда 20,8 млн тонна астық бастырылды, деп хабарлайды ауыл шаруашылығы министрлігі.
Еліміздің өңірлерінде егін жинау науқаны жалғасып жатыр. Дәнді және дәнді-бұршақты дақылдардың болжамды жинау алаңы 16 млн гектардан асады.
Бүгінгі таңда 13,3 млн гектар немесе жалпы егіс алқаптарының 83%-і жиналған. Нәтижесінде 20,8 млн тонна астық бастырылды.
Дәнді дақылдардан бөлек, ауыл шаруашылығы тауарын өндірушілер:
1,4 млн тонна майлы дақыл;
2,5 млн тонна картоп;
3,5 млн тонна көкөніс жинады.
Атап айтқанда:
324,1 ц/га өнімділікпен 428,5 мың тонна қырыққабат;
441,0 ц/га өнімділікпен 1000,9 мың тонна пияз;
287,9 ц/га өнімділікпен 355,2 мың тонна сәбіз жиналды.
Егін жинау науқаны ұйымдасқан түрде, агротехникалық талаптарға сай мерзімде өтіп жатыр.
