Бұл туралы Caravan.kz медиа порталы Sputnik.kz-ке сілтеме жасап хабарлайды.
Соңғы бес жылда «Богатырь Көмір» ЖШС көмірдің құнын жылына 5%-дан 21,5%-ға дейін бірнеше рет қымбаттатты, деп хабарлады бәсекелестікті қорғау және дамыту агенттігі.
«2023 жылы монополиялық жоғары баға белгілегені үшін тергеу басталды. Екі жылдан астам сот дауларынан кейін, 2025 жылдың 10 маусымында Жоғарғы сот тергеу бастау туралы шешімнің заңдылығын растады», — деп хабарлады ведомстводағылар.
Ведомствоның мәліметінше, жылу көмірінің құны электр энергиясының тарифтеріне айтарлықтай әсер етіп, энергия өндіруші ұйымдардың шығындарының 60%-ға дейінгі көлемін құрайды.
«Көмір бағасының өсуі нарықтар монополияланбаған және бағаны бақылау шаралары қолданылатын азық-түлік өнімдері мен коммуналдық қызметтер құнына мультипликативті әсер етеді», — деп есептейді аенттіктегілер.
Осыған байланысты агенттік энергетикалық көмірге мемлекеттік баға реттеуін енгізу бастамасын көтерді. Бұл түзету парламент қарауындағы алтыншы антимонополиялық пакетке енгізілді.
