Қазақстаннан көшіп кеткендер саны еліміздің жаңа тарихындағы ең төменгі деңгейге жетті, деп хабарлайды Сaravan.kz медиа порталы.
ҚР СЖРА ҰСБ деректері бойынша, 2024 жылдың қаңтар-желтоқсан айларында ҚР-дан басқа мемлекетке тұрақты тұру үшін шамамен 12,8 мың адам көшіп кеткен. Бұл өткен жылға қарағанда 20%-ға аз. Қазіргі көрсеткіші – тәуелсіздік алғаннан бергі, яғни 1991 жылдан бергі ең төменгі деңгей.
Аталған кезеңде Қазақстанға тұрақты тұру үшін көшіп келгендер саны 29,9 мың адамнан асқан, өткен жылға қарағанда 18%-ға көп. Бұл тарихи рекорд болмаса да, мұндай жоғары көрсеткіш соңғы рет 2011 жылы тіркелген еді.
Осылайша миграция сальдосы – келгендерден кеткендер санын алғанда – екінші жыл қатарынан оң нәтиже көрсетіп отыр. Бұл жолы 17,2 мың адам шамасында болды. Бұл 2006 жылдан бергі ең жоғары көрсеткіш, дегенмен айта кету керек, 2012-2022 жылдар аралығында сальдо жыл сайын теріс мәнді көрсетті: Қазақстаннан тұрақты түрде тұруға көшіп кеткендер саны келгендерден асып отырды.
Өткен жылы адамдар қайда көшіп кетті? Көбісі Ресейге (10 адамның 7-еуі), сонымен қатар Германияға да белсенді түрде көшкен (16%).
Ал қайдан келді? Көбінесе Өзбекстаннан (10 адамның 4-еуі) және тағы да Ресейден (иммигранттардың 27%-ы). Қытай (7%) мен Моңғолиядан да (5%) белсенді түрде көшіп келген.
