Кеден одағы елдерімен тауар айналымы алғашқы тоқсанда 2 млрд. долларға жуық өсті

Бұл туралы Ұлттық банк төрағасы Григорий Марченко бүгін Алматыда өткізген баспасөз мәслихатында айтты.

Бас банкирдің айтуынша, алғашқы тоқсанда Кеден одағы елдерімен тауар айналымы 2 миллиард долларға жуық өсті. Одақ мемлекеттеріне тауарлар экспорты 2,2 миллиард долларға дейін (73,7%) ұлғайды. Ал импорты 45,2% ұлғая отырып, 3,1 миллиард доллардан асты. Кеден одағы елдерінің импорттың жалпы көлеміндегі үлесі 46,7 % құрады. Оның 45,5 % Ресейге тиесілі», — дейді банкир. Тұтастай алғанда, сауда балансы 1 тоқсанда 11,3 млрд. АҚШ долларының оң сальдомен қалыптасты, бұл 2010 жылғы 1 тоқсанмен салыстырғанда 41,4% көп.