“Салық төлеуден жалтару салдарынан келген шығын көлемі тұтастай алғанда 24 млрд. теңгені құрады. Сонымен бірге компаниялар 103,8 млрд. теңге көлемінде монополиялық пайда тапқан”,- деді агенттік төрағасы.
Сарыбай Қалмырзаевтың айтынша, қазіргі жағдаймен шетелдік инвесторлар трансферттік баға белгілеуді қолдануға байланысты бірқатар мәселелерді шешпей отыр. “Инвесторлар түрлі қитұрқы тәсілдерді қолдануда. Мәселен, экспорттаушы кәсіпорын оффшорлық аймақта тіркелген, өздерімен аффилиирлік байланыстағы компаниямен шикізат сату туралы келісім-шартына қол қояды. Өзара келісім бойынша тараптар әлемдік деңгейдегі бағадан арзан баға белгіленеді. Салық міндеттемелері де соның негізінде есептеліп декларацияланады. Осыдан кейін тауар сатылып, пайда шетелдік банктердегі есепшоттарда жинақталады”,- деді ол.
“Тек 2001-2003-жылдар аралығында трансферттік бағаларды пайдалану мәселесіне қатысты заңнаманың орындалуына қатысты” салық тексерулерінің нәтижесінде шетелдік компаниялардың кірісі 15,5 млрд. теңгеге арттыра түзетілді”, деді агенттік төрағасы.
Осы мәселені талқылаудан кейін Елбасы Нұрсұлтан Назарбаев индустрия және сауда министрі Владимир Школьникке трансферттік бағаны белгілеуге тексеру жүргізуді тапсырды.
