Қазақстан Президенті Нүрсұлтан Назарбаев бүгін XV Петербор халықаралық экономикалық форумының пленарлық отырысында сөйлеген сөзінде осылай деді.
«Жаһандық қаржылық-экономикалық дағдарыс терең экономикалық сызат түсірді. Және қазір ол сызаттар айналымға шығарылып жатқан арзан ақшалардан жасақталған дағдарысқа қарсы ақша қорларымен «жамалуда», деді Н.Назарбаев өз сөзінде.
Президент сондай-ақ әлі күнге дейін ақша салымдарының сақталуына және салыстырмалы түрде экономикалық тұрақтылыққа кепілдік беретін, не жаңа экономикалық қауіптерге қарсы тиімді тетіктің, не сенімді резервтік валюта немесе өңірлік валюталар топтары жоқ екенін атап көрсетті.