Кез-келген кәсіби маманның кетуі - билік үшін үлкен шығын - "Отан" партиясы төрағасының орынбасары

Кез-келген кәсіби маманның қызметтен кетуі - билік үшін үлкен шығын. Ал еліміз кәсіби мамандарға онсыз да қарық болып отырған жоқ. Бүгін, 19-қазанда Алматыда өткен баспасөз мәслихатында журналистердің Григорий Марченко мен Ораз Жандосовтың қызметтен кетуіне байланысты сауалдарына жауап берген "Отан" партиясы төрағасының орынбасары Александр Павлов осындай пікір білдірді.

А.Павловтың пікірінше, «өзінің жаны мен мүддесіне лайықты қызмет саласы мен лауазымды әркім өзі таңдайды».

«Мен де ұзақ уақыт бойы билікпен қоян-қолтық жұмыс істедім, олармен ынтымақтаса еңбек еттім, бірақ, қазір өздеріңіз көріп отырғандай, билікте емеспін. Бұл табиғи даму құбылысы»,- деді «Отан» партиясы төрағасының орынбасары.
«Мұндай жағдайды тым әсірелеуге болмайды. Меніңше, бідің қай-қайсымыз да ертелі-кеш сол билікке қайтадан оралу мүмкіндігімізге шек келтіруге болмайды»,- деді ол.