Хакерлер Қаржы полициясының ресми сайтына шабуыл жасады

Белгісіз хакерлер тобы 11 қарашада ҚР Экономикалық және сыбайлас жемқорлыққа қарсы күрес агенттігінің ресми сайтын бұзды. Бұл туралы ҚазАқпарат агенттігінің тілшісіне ведомствоның ресми өкілі Мұрат Жұманбай мәлім етті. М.Жұманбайдың сөзіне қарағанда, қазіргі уақытта барлық ақаулар жойылды. Агенттіктің веб-ресурсы қалыпты жағдайда жұмыс істеп жатыр. «Сайтты бұзып кіру оқиғасын құзырлы органдар тергейтін болады», - деді ол.