Ойынның алғашқы кезеңінде есеп ашылған жоқ. Ал екінші кезеңнің басында қарсылас команда Виталий Еремеевті қапы қалдырып, бірінші шайбасын салды. Бірақ он минуттан кейін «Барыс» таразы басын теңестіріп қана қоймай, 2:1 есебімен алға шықты. Ал үшінші кезеңнің соңында Константин Руденко үшінші шайбаның авторы атанды. Ойынның нәтижесі — 3:1. Осылайша, «Барыс» өз қарсыласын айқын басымдықпен ұтып, биылғы лига барысында сырт алаңда алғаш рет жеңіске жетті. Қазір олардың 8 ұпайы бар.
«Барыс» келесі ойынды ертең, қыркүйектің 22-сі күні Чехияның Прага қаласында жергілікті «Лев» құрамасымен өткізеді.
