Бұл туралы Caravan.kz медиа порталы Stan.kz ақпарат агенттігіне сілтеме жасап хабарлайды.
"Кенес А.К. Қылмыстық-атқару жүйесі департаментінің қызметкерлеріне уақытша ұстау изоляторы қабырғасында жағымсыз жағдай жасау туралы бұйрық берді. Менің төсек-орныма есірткі мен сим-карта салып жібермек болды. Әр апта камерадан камераға ауыстырды, кісі өлтіргендер, нашақорлар мен өзге де ауыр қылмыс жасағандармен бірге отырғызды.Осы арқылы кінәні мойындамасам, жағдайы одан әрі қиындайтынын айтқысы келді. Мұның барлығы менің арызымда бар, алайда прокурор арыздарымды жауапсыз қалдырды. Ал қаржылық мониторинг агенттігі егқандай заң бұзушылық жоқ деп жауап берді", – дейді бұрынғы вице-министр Олжас Әбішев.
Судья қорғанушы тараптың азаптау дерегі бойынша қосымша тексеріс туралы шағымын бекіткен. Еске салайық, бұрынғы денсаулық сақтау министрі Елжан Біртанов пен оның орынбасары Олжас Әбішев лауазымын асыра пайдаланды деп айыпталған. Сот процесі бірнеше айға созылды.
Біртанов сот процесін аудио және бейне жазбаға тіркеуге рұқсат бермегені үшін судья Ибрагим Әлкеновті жауапқа тартқызбақшы. Тиісті арызды Жоғарғы сот кеңесіне жіберген.
