Көкшетауда 73 адам іш ауруымен ауруханаға түсті

Қазанның 12 мен 16 аралығында Ақмола облысы Көкшетау қаласында облыстық балалар ауруханасы мен қалалық ауруханаға іш ауруымен 73 адам жатқызылды, олардың арасында 59 бала бар. Бұл туралы KZ-today тілшісіне ҚР төтенше жағдайлар жөніндегі министрлігінің баспасөз қызметінен хабарлады.

Індеттің таралуына ауыз су сапасы әсер етті деген болжам бар. Қазір ауыз су сапасы зертханалық тексеруден өткізілуде.

ҚР төтенше жағдайлар жөніндегі министрлігінен хабарлағанындай, 18-қазан күнгі 7 сағаттағы жағдаймен ауруханаға түскендер арасынан 17 адам емдеу мекемелерінен шықты. Аурудың жаппай белең алуына қарсы шаралар жалғасуда.