ҚР ІІІ Жазғы спартакиадасы аясында бокстан 1995-96 және 1993-94 жылдары туған қыздар мен әйелдер әйелдер арасындағы ел чемпионаты өтіп жатыр. 1 наурыз күні жалауы көтерілген бұл дүбірлі доданың ақтық ойындары 7 наурызда өтеді. Онда жасөспірім қыздар — 14, жастар мен әйелдер 10 салмақ дәрежелері бойынша өзара сайысқа түсіп жатыр. Бұл додаға жасөспірім мен жастар арасында 80-нен астам, ал әйелдер арасында 150-ге жуық былғары қолғап шебері бақ сынауда. Былтыр әйелдер арасындағы ел чемпионаты 26 ақпан мен 2 наурыз аралығында Қызылорда қаласындағы «Еуразия» спорт кешенінде өткен еді. Оған 150-ден астам спортшы қатысып, жалпы командалық есепте Алматы облысы — бірінші, Жамбыл облысы — екінші, Қызылорда облысы үшінші орын алды. Ал қыздар арасындағы сайыста Алматы, Жамбыл және Оңтүстік Қазақстан облыстары үздік үштікке кірді.